Niddesa
Nikkhepakaṇḍa
Suttantikadukanikkhepa
Sākhalyaduka
1350. 2055 Tattha katamaṁ sākhalyaṁ? Yā sā vācā aṇḍakā kakkasā parakaṭukā parābhisajjanī kodhasāmantā asamādhisaṁvattanikā, tathārūpiṁ vācaṁ pahāya yā sā vācā neḷā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṁ vācaṁ bhāsitā hoti; yā tattha saṇhavācatā sakhilavācatā apharusavācatā— idaṁ vuccati sākhalyaṁ.
1351. 2056 Tattha katamo paṭisanthāro? Dve paṭisanthārā— āmisapaṭisanthāro ca dhammapaṭisanthāro ca. Idhekacco paṭisanthārako hoti āmisapaṭisanthārena vā dhammapaṭisanthārena vā— ayaṁ vuccati paṭisanthāro.