Niddesa
Nikkhepakaṇḍa
Suttantikadukanikkhepa
Samāpattikusalatāduka
1338. 2043 Tattha katamā samāpattikusalatā? Atthi savitakkasavicārā samāpatti, atthi avitakkavicāramattā samāpatti, atthi avitakkaavicārā samāpatti. Yā tāsaṁ samāpattīnaṁ samāpattikusalatā paññā pajānanā…pe… amoho dhammavicayo sammādiṭṭhi— ayaṁ vuccati samāpattikusalatā.
1339. 2044 Tattha katamā samāpattivuṭṭhānakusalatā? Yā tāhi samāpattīhi vuṭṭhānakusalatā paññā pajānanā…pe… amoho dhammavicayo sammādiṭṭhi— ayaṁ vuccati samāpattivuṭṭhānakusalatā.