Niddesa
Nikkhepakaṇḍa
Dukanikkhepa
Piṭṭhiduka
Arūpāvacaraduka
1291. 1992 Katame dhammā arūpāvacarā? Heṭṭhato ākāsānañcāyatanupage deve pariyantaṁ karitvā, uparito nevasaññānāsaññāyatanupage deve anto karitvā, yaṁ etasmiṁ antare etthāvacarā ettha pariyāpannā samāpannassa vā upapannassa vā diṭṭhadhammasukhavihārissa vā cittacetasikā dhammā— ime dhammā arūpāvacarā.
1292. 1993 Katame dhammā na arūpāvacarā? Kāmāvacarā, rūpāvacarā, apariyāpannā— ime dhammā na arūpāvacarā.