Niddesa
Nikkhepakaṇḍa
Dukanikkhepa
Piṭṭhiduka
Kāmāvacaraduka
1287. 1988 Katame dhammā kāmāvacarā? Heṭṭhato avicinirayaṁ pariyantaṁ karitvā, uparito paranimmitavasavattī deve[113] anto karitvā, yaṁ etasmiṁ antare etthāvacarā ettha pariyāpannā khandhadhātu āyatanā, rūpaṁ vedanā saññā saṅkhārā viññāṇaṁ— ime dhammā kāmāvacarā.
1288. 1989 Katame dhammā na kāmāvacarā? Rūpāvacarā, arūpāvacarā, apariyāpannā— ime dhammā na kāmāvacarā.
- deve: paranimmitavasavattideve (sī, ka-ma), parinimmitavasavattideve (pā1) (Word Variant) ↩