Niddesa
Nikkhepakaṇḍa
Dukanikkhepa
Kilesagocchaka
Saṃkiliṭṭhaduka
1249. 1948 Katame dhammā saṁkiliṭṭhā? Tīṇi akusalamūlāni— lobho, doso, moho; tadekaṭṭhā ca kilesā, taṁsampayutto vedanākkhandho…pe… viññāṇakkhandho, taṁsamuṭṭhānaṁ kāyakammaṁ, vacīkammaṁ, manokammaṁ— ime dhammā saṁkiliṭṭhā.
1250. 1949 Katame dhammā asaṁkiliṭṭhā? Kusalābyākatā dhammā kāmāvacarā, rūpāvacarā, arūpāvacarā, apariyāpannā; vedanākkhandho…pe… viññāṇakkhandho; sabbañca rūpaṁ, asaṅkhatā ca dhātu— ime dhammā asaṁkiliṭṭhā.