Niddesa
Nikkhepakaṇḍa
Dukanikkhepa
Mahantaraduka
Upādinnaduka
1217. 1913 Katame dhammā upādinnā[110]? Sāsavā kusalākusalānaṁ dhammānaṁ vipākā kāmāvacarā, rūpāvacarā, arūpāvacarā; vedanākkhandho…pe… viññāṇakkhandho; yañca rūpaṁ kammassa katattā— ime dhammā upādinnā.
1218. 1914 Katame dhammā anupādinnā? Sāsavā kusalākusalā dhammā kāmāvacarā, rūpāvacarā, arūpāvacarā; vedanākkhandho…pe… viññāṇakkhandho; ye ca dhammā kiriyā neva kusalā nākusalā na ca kammavipākā, yañca rūpaṁ na kammassa katattā, apariyāpannā maggā ca, maggaphalāni ca, asaṅkhatā ca dhātu— ime dhammā anupādinnā.
- upādinnā: upādiṇṇā (cha1-2) (Word Variant) ↩