Niddesa
Nikkhepakaṇḍa
Tikanikkhepa
Sanidassanattika
1056. 1721 Katame dhammā sanidassanasappaṭighā? Rūpāyatanaṁ— ime dhammā sanidassanasappaṭighā.
1057. 1722 Katame dhammā anidassanasappaṭighā? Cakkhāyatanaṁ, sotāyatanaṁ, ghānāyatanaṁ, jivhāyatanaṁ, kāyāyatanaṁ, saddāyatanaṁ, gandhāyatanaṁ, rasāyatanaṁ, phoṭṭhabbāyatanaṁ— ime dhammā anidassanasappaṭighā.
1058. 1723 Katame dhammā anidassanaappaṭighā? Vedanākkhandho, saññākkhandho, saṅkhārakkhandho, viññāṇakkhandho; yañca rūpaṁ anidassanaṁ appaṭighaṁ dhammāyatanapariyāpannaṁ; asaṅkhatā ca dhātu— ime dhammā anidassanaappaṭighā.
1724 Tikaṁ.