Niddesa
Cittuppādakaṇḍa
Lokuttaravipāka-paṭhamamaggavipāka
Chandādhipateyyasuddhikapaṭipadā
529. 1021 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyaṁ, tasmiṁ samaye phasso hoti…pe… avikkhepo hoti…pe… ime dhammā kusalā. Tasseva lokuttarassa kusalassa jhānassa katattā bhāvitattā vipākaṁ vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ suññataṁ chandādhipateyyaṁ, tasmiṁ samaye phasso hoti…pe… avikkhepo hoti…pe… ime dhammā abyākatā.
530. 1022 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyaṁ, tasmiṁ samaye phasso hoti…pe… avikkhepo hoti…pe… ime dhammā kusalā. Tasseva lokuttarassa kusalassa jhānassa katattā bhāvitattā vipākaṁ vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ animittaṁ chandādhipateyyaṁ, tasmiṁ samaye phasso hoti…pe… avikkhepo hoti…pe… ime dhammā abyākatā.
531. 1023 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyaṁ, tasmiṁ samaye phasso hoti…pe… avikkhepo hoti…pe… ime dhammā kusalā. Tasseva lokuttarassa kusalassa jhānassa katattā bhāvitattā vipākaṁ vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ dandhābhiññaṁ appaṇihitaṁ chandādhipateyyaṁ, tasmiṁ samaye phasso hoti…pe… avikkhepo hoti…pe… ime dhammā abyākatā.
532. 1024 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vitakkavicārānaṁ vūpasamā…pe… dutiyaṁ jhānaṁ…pe… tatiyaṁ jhānaṁ…pe… catutthaṁ jhānaṁ…pe… paṭhamaṁ jhānaṁ…pe… pañcamaṁ jhānaṁ upasampajja viharati dukkhapaṭipadaṁ dandhābhiññaṁ chandādhipateyyanti kusalaṁ…pe… dukkhapaṭipadaṁ dandhābhiññaṁ suññataṁ chandādhipateyyanti vipāko…pe… dukkhapaṭipadaṁ dandhābhiññaṁ chandādhipateyyanti kusalaṁ…pe… dukkhapaṭipadaṁ dandhābhiññaṁ animittaṁ chandādhipateyyanti vipāko…pe… dukkhapaṭipadaṁ dandhābhiññaṁ chandādhipateyyanti kusalaṁ…pe… dukkhapaṭipadaṁ dandhābhiññaṁ appaṇihitaṁ chandādhipateyyanti vipāko, tasmiṁ samaye phasso hoti…pe… avikkhepo hoti…pe… ime dhammā abyākatā.
533. 1025 Katame dhammā abyākatā? Yasmiṁ samaye lokuttaraṁ jhānaṁ bhāveti niyyānikaṁ apacayagāmiṁ diṭṭhigatānaṁ pahānāya paṭhamāya bhūmiyā pattiyā vivicceva kāmehi…pe… paṭhamaṁ jhānaṁ upasampajja viharati dukkhapaṭipadaṁ khippābhiññaṁ chandādhipateyyaṁ…pe… sukhapaṭipadaṁ dandhābhiññaṁ chandādhipateyyaṁ…pe… sukhapaṭipadaṁ khippābhiññaṁ chandādhipateyyaṁ…pe… dutiyaṁ jhānaṁ…pe… tatiyaṁ jhānaṁ…pe… catutthaṁ jhānaṁ…pe… paṭhamaṁ jhānaṁ…pe… pañcamaṁ jhānaṁ upasampajja viharati sukhapaṭipadaṁ khippābhiññaṁ chandādhipateyyanti kusalaṁ…pe… sukhapaṭipadaṁ khippābhiññaṁ suññataṁ chandādhipateyyanti vipāko…pe… sukhapaṭipadaṁ khippābhiññaṁ chandādhipateyyanti kusalaṁ…pe… sukhapaṭipadaṁ khippābhiññaṁ animittaṁ chandādhipateyyanti vipāko…pe… sukhapaṭipadaṁ khippābhiññaṁ chandādhipateyyanti kusalaṁ…pe… sukhapaṭipadaṁ khippābhiññaṁ appaṇihitaṁ chandādhipateyyanti vipāko, tasmiṁ samaye phasso hoti…pe… avikkhepo hoti…pe… ime dhammā abyākatā.
1026 Chandādhipateyyasuddhikapaṭipadā.