Niddesa
Cittuppādakaṇḍa
Rūpāvacarakusala
637 Dve ārammaṇāni
211. 638 Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati parittāni, tāni abhibhuyya jānāmi passāmīti vivicceva kāmehi…pe… paṭhamaṁ jhānaṁ upasampajja viharati parittaṁ parittārammaṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
212. 639 Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati parittāni, tāni abhibhuyya jānāmi passāmīti vivicceva kāmehi…pe… paṭhamaṁ jhānaṁ upasampajja viharati appamāṇaṁ parittārammaṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
213. 640 Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati parittāni, tāni abhibhuyya jānāmi passāmīti vitakkavicārānaṁ vūpasamā…pe… dutiyaṁ jhānaṁ…pe… tatiyaṁ jhānaṁ…pe… catutthaṁ jhānaṁ…pe… paṭhamaṁ jhānaṁ…pe… pañcamaṁ jhānaṁ upasampajja viharati parittaṁ parittārammaṇaṁ…pe… appamāṇaṁ parittārammaṇaṁ, tasmiṁ samaye phasso hoti…pe… avikkhepo hoti…pe… ime dhammā kusalā.
641 Dve ārammaṇāni.