Niddesa
Cittuppādakaṇḍa
Rūpāvacarakusala
691 Tīṇi vimokkhāni soḷasakkhattukāni
248. 692 Katame dhammā kusalā? Yasmiṁ samaye rūpūpapattiyā maggaṁ bhāveti rūpī rūpāni passati vivicceva kāmehi…pe… paṭhamaṁ jhānaṁ upasampajja viharati, tasmiṁ samaye phasso hoti…pe… avikkhepo hoti…pe… ime dhammā kusalā.
249. 693 Katame dhammā kusalā? Yasmiṁ samaye rūpūpapattiyā maggaṁ bhāveti ajjhattaṁ arūpasaññī bahiddhā rūpāni passati vivicceva kāmehi…pe… paṭhamaṁ jhānaṁ upasampajja viharati, tasmiṁ samaye phasso hoti…pe… avikkhepo hoti…pe… ime dhammā kusalā.
250. 694 Katame dhammā kusalā? Yasmiṁ samaye rūpūpapattiyā maggaṁ bhāveti subhanti[51] vivicceva kāmehi…pe… paṭhamaṁ jhānaṁ upasampajja viharati, tasmiṁ samaye phasso hoti…pe… avikkhepo hoti…pe… ime dhammā kusalā.
695 Imānipi tīṇi vimokkhāni soḷasakkhattukāni.
- subhanti: subhanti adhimutto hoti (sī) (Word Variant) ↩