Milindapañha
Sativagga
Paññāpatiṭṭhānapañha
90. 421 Rājā āha— “bhante nāgasena, paññā kuhiṁ paṭivasatī”ti? “Na katthaci, mahārājā”ti. “Tena hi, bhante nāgasena, natthi paññā”ti. “Vāto, mahārāja, kuhiṁ paṭivasatī”ti? “Na katthaci, bhante”ti. “Tena hi, mahārāja, natthi vāto”ti.
422 “Kallosi, bhante nāgasenā”ti.
423 Paññāpatiṭṭhānapañho[120] aṭṭhamo.
- Paññāpatiṭṭhānapañho: paññāya patiṭṭhānapañho (maku) (Word Variant) ↩