5.2.5 Ahituṇḍikajātaka

80.

1241 “Dhuttomhi samma sumukha,

jūte akkhaparājito;

Harehi ambapakkāni,

vīriyaṃ te bhakkhayāmase”.

81.

1242 “Alikaṃ vata maṃ samma,

abhūtena pasaṃsasi;

Ko te suto vā diṭṭho vā,

sumukho nāma makkaṭo.

82.

1243 Ajjāpi me taṃ manasi,

yaṃ maṃ tvaṃ ahituṇḍika;

Dhaññāpaṇaṃ pavisitvā,

matto chātaṃ hanāsi maṃ.

83.

1244 Tāhaṃ saraṃ dukkhaseyyaṃ,

api rajjampi kāraye;

Nevāhaṃ yācito dajjaṃ,

tathā hi bhayatajjito.

84.

1245 Yañca jaññā kule jātaṃ,

Gabbhe tittaṃ amacchariṃ;

Tena sakhiñca mittañca,

Dhīro sandhātumarahatī”ti.

1246 Ahituṇḍikajātakaṃ pañcamaṃ.