4.5.4 Ambajātaka

173.

1106 “Yo nīliyaṃ maṇḍayati,

saṇḍāsena vihaññati;

Tassa sā vasamanvetu,

yā te ambe avāhari”.

174.

1107 “Vīsaṃ vā pañcavīsaṃ vā,

ūnatiṃsaṃ va jātiyā;

Tādisā pati mā laddhā,

yā te ambe avāhari”.

175.

1108 “Dīghaṃ gacchatu addhānaṃ,

ekikā abhisārikā;

Saṅkete pati mā adda,

yā te ambe avāhari”.

176.

1109 “Alaṅkatā suvasanā,

mālinī candanussadā;

Ekikā sayane setu,

yā te ambe avāharī”ti.

1110 Ambajātakaṃ catutthaṃ.