4.4.8 Thusajātaka

149.

1074 “Viditaṃ thusaṃ undurānaṃ,

Viditaṃ pana taṇḍulaṃ;

Thusaṃ thusaṃ vivajjetvā,

Taṇḍulaṃ pana khādare.

150.

1075 Yā mantanā araññasmiṃ,

yā ca gāme nikaṇṇikā;

Yañcetaṃ iti cīti ca,

etampi viditaṃ mayā.

151.

1076 Dhammena kira jātassa,

pitā puttassa makkaṭo;

Daharasseva santassa,

dantehi phalamacchidā.

152.

1077 Yametaṃ parisappasi,

ajakāṇova sāsape;

Yopāyaṃ heṭṭhato seti,

etampi viditaṃ mayā”ti.

1078 Thusajātakaṃ aṭṭhamaṃ.