4.3.8 Ananusociyajātaka

109.

1022 “Bahūnaṃ vijjatī bhotī,

tehi me kiṃ bhavissati;

Tasmā etaṃ na socāmi,

piyaṃ sammillahāsiniṃ.

110.

1023 Taṃ tañce anusoceyya,

yaṃ yaṃ tassa na vijjati;

Attānamanusoceyya,

sadā maccuvasaṃ pataṃ.

111.

1024 Na heva ṭhitaṃ nāsīnaṃ,

Na sayānaṃ na paddhaguṃ;

Yāva byāti nimisati,

Tatrāpi rasatī vayo.

112.

1025 Tatthattani vatappaddhe,

vinābhāve asaṃsaye;

Bhūtaṃ sesaṃ dayitabbaṃ,

vītaṃ ananusociyan”ti.

1026 Ananusociyajātakaṃ aṭṭhamaṃ.