4.1.8 Sakuṇajātaka

29.

918 “Akaramhasa te kiccaṃ,

yaṃ balaṃ ahuvamhase;

Migarāja namo tyatthu,

api kiñci labhāmase”.

30.

919 “Mama lohitabhakkhassa,

niccaṃ luddāni kubbato;

Dantantaragato santo,

taṃ bahuṃ yampi jīvasi”.

31.

920 “Akataññumakattāraṃ,

katassa appaṭikārakaṃ;

Yasmiṃ kataññutā natthi,

niratthā tassa sevanā.

32.

921 Yassa sammukhaciṇṇena,

Mittadhammo na labbhati;

Anusūyamanakkosaṃ,

Saṇikaṃ tamhā apakkame”ti.

922 Sakuṇajātakaṃ aṭṭhamaṃ.