4.1.5 Sīlavīmaṃsanajātaka

17.

903 “Natthi loke raho nāma,

pāpakammaṃ pakubbato;

Passanti vanabhūtāni,

taṃ bālo maññatī raho.

18.

904 Ahaṃ raho na passāmi,

suññaṃ vāpi na vijjati;

Yattha aññaṃ na passāmi,

asuññaṃ hoti taṃ mayā”.

19.

905 “Dujjacco ca sujacco ca,

nando ca sukhavaḍḍhito;

Vejjo ca addhuvasīlo ca,

te dhammaṃ jahu matthikā.

20.

906 Brāhmaṇo ca kathaṃ jahe,

sabbadhammāna pāragū;

Yo dhammamanupāleti,

dhitimā saccanikkamo”ti.

907 Sīlavīmaṃsanajātakaṃ pañcamaṃ.