Tikanipāta
Udapānavagga
Romakajātaka
79. 778 “Vassāni paññāsa samādhikāni,
Vasimha selassa guhāya romaka;
Asaṅkamānā abhinibbutattā[411],
Hatthattamāyanti mamaṇḍajā pure. [412]
80. 779 Te dāni vakkaṅga kimatthamussukā,
Bhajanti aññaṁ girikandaraṁ dijā;
Na nūna maññanti mamaṁ yathā pure,
Cirappavutthā atha vā na te ime”.
81. 780 “Jānāma taṁ na mayaṁ sampamūḷhā[413],
Soyeva tvaṁ te mayamasma nāññe;
Cittañca te asmiṁ jane paduṭṭhaṁ,
Ājīvikā tena tamuttasāmā”ti. [414]
781 Romakajātakaṁ[415] sattamaṁ.
- abhinibbutattā: abhinibbutacittā (syā2, syā3, ka-ma) (Word Variant) ↩
- Hatthattamāyanti: hatthattha ... (syā2, syā3) (Word Variant) ↩
- sampamūḷhā: na maya'masma mūḷhā (sī, pā1), na mayaṁ sammuḷhā (syā2, syā3) (Word Variant) ↩
- Ᾱjīvikā: ājīvaka (sī, syā2, syā3), ājīvika (pā1) (Word Variant) ↩
- Romakajātakaṁ: romajātakaṁ (syā2, syā3) (Word Variant) ↩