3.1.9 Tirīṭavacchajātaka

25.

702 “Nayimassa vijjāmayamatthi kiñci,

Na bandhavo no pana te sahāyo;

Atha kena vaṇṇena tirīṭavaccho,

Tedaṇḍiko bhuñjati aggapiṇḍaṃ”.

26.

703 “Āpāsu me yuddhaparājitassa,

Ekassa katvā vivanasmi ghore;

Pasārayī kicchagatassa pāṇiṃ,

Tenūdatāriṃ dukhasampareto.

27.

704 Etassa kiccena idhānupatto,

Vesāyino visayā jīvaloke;

Lābhāraho tāta tirīṭavaccho,

Dethassa bhogaṃ yajathañca yaññan”ti.

705 Tirīṭavacchajātakaṃ navamaṃ.