Tikanipāta
Saṅkappavagga
Jarūdapānajātaka
16. 690 “Jarūdapānaṁ khaṇamānā,
vāṇijā udakatthikā;
Ajjhagamuṁ ayasaṁ lohaṁ[359],
tipusīsañca vāṇijā;
Rajataṁ jātarūpañca,
muttā veḷuriyā bahū.
17. 691 Te ca tena asantuṭṭhā,
bhiyyo bhiyyo akhāṇisuṁ;
Te tatthāsīviso[360] ghoro,
tejassī tejasā hani.
18. 692 Tasmā khaṇe nātikhaṇe,
Atikhātaṁ hi pāpakaṁ;
Khātena ca[362] dhanaṁ laddhaṁ,
Atikhātena nāsitan”ti. [361] [363]
693 Jarūdapānajātakaṁ[364] chaṭṭhaṁ.
- lohaṁ: ajjhagaṁsu ayolohaṁ (sī, syā2, pā1), ajjhaggaṁsu ayolahaṁ (syā3) (Word Variant) ↩
- tatthāsīviso: tatthāsiviso (sī), tatthapāsīviso (syā2, syā3), tattha āsīviso (ka-ma) (Word Variant) ↩
- Atikhātaṁ: atikkhātam (syā2, syā3), atikhaṇaṁ (ka-ma) (Word Variant) ↩
- ca: khaṇanena (syā2, syā3), khaṇena ca (ka-ma) (Word Variant) ↩
- Atikhātena: atikhaṇena (ka-ma) (Word Variant) ↩
- Jarūdapānajātakaṁ: jarudapānajātakaṁ (pā1) (Word Variant) ↩