Ekūposathikavagga
Naḷamālikātherīapadāna
86. 252 [89] [88] “Candabhāgānadītīre,
ahosiṁ kinnarī tadā;
Addasaṁ virajaṁ buddhaṁ,
sayambhuṁ aparājitaṁ.
87. 253 Pasannacittā sumanā,
vedajātā katañjalī;
Naḷamālaṁ gahetvāna,
sayambhuṁ abhipūjayiṁ. [90]
88. 254 Tena kammena sukatena,
cetanāpaṇidhīhi ca;
Jahitvā kinnarīdehaṁ[91],
tāvatiṁsamagacchahaṁ.
89. 255 Chattiṁsadevarājūnaṁ,
mahesittamakārayiṁ;
Manasā patthitaṁ mayhaṁ,
nibbattati yathicchitaṁ.
90. 256 Dasannaṁ cakkavattīnaṁ,
mahesittamakārayiṁ;
Ocitattāva hutvāna,
saṁsarāmi bhavesvahaṁ. [92]
91. 257 Kusalaṁ vijjate mayhaṁ,
pabbajiṁ anagāriyaṁ;
Pūjārahā ahaṁ ajja,
sakyaputtassa sāsane.
92. 258 Visuddhamanasā ajja,
apetamanapāpikā;
Sabbāsavā parikkhīṇā[93],
natthi dāni punabbhavo.
93. 259 Catunnavutito kappe,
yaṁ buddhamabhipūjayiṁ;
Duggatiṁ nābhijānāmi,
naḷamālāyidaṁ phalaṁ. [94]
94. 260 Kilesā jhāpitā mayhaṁ,
…pe…
viharāmi anāsavā.
95. 261 Svāgataṁ vata me āsi,
…pe…
kataṁ buddhassa sāsanaṁ.
96. 262 Paṭisambhidā catasso,
…pe…
kataṁ buddhassa sāsanaṁ”.
263 Itthaṁ sudaṁ naḷamālikā[95] bhikkhunī imā gāthāyo abhāsitthāti.
264 Naḷamālikātheriyāpadānaṁ chaṭṭhaṁ.
- sālamālikāpadānaṁ (sī) (Word Variant) ↩
- 19Th2.48/1 (54 piṭṭhe) (Cross Reference) ↩
- Naḷamālaṁ: nalamālaṁ (pā1), jālamālaṁ (19Th2.48/1) (Word Variant) ↩
- kinnarīdehaṁ: mānuyaṁ dehaṁ (ka-sī, ka-ma), mānusaṁ dehaṁ (pā1) (Word Variant) ↩
- Ocitattāva: sucitattāva (pā1) (Word Variant) ↩
- parikkhīṇā: sabbāsavaparikkhīṇā (syā2, syā3, cha1) (Word Variant) ↩
- naḷamālāyidaṁ: sālamālāyidaṁ (sī), nalamālānidaṁ (pā1) (Word Variant) ↩
- naḷamālikā: sālamālikā (sī), nalamālikā (pā1) (Word Variant) ↩