9.5 Raṃsisaññakattheraapadāna

30.

1723 “Pabbate himavantamhi,

vāsaṃ kappesahaṃ pure;

Ajinuttaravāsohaṃ,

vasāmi pabbatantare.

31.

1724 Suvaṇṇavaṇṇaṃ sambuddhaṃ,

Sataraṃsiṃva bhāṇumaṃ;

Vanantaragataṃ disvā,

Sālarājaṃva pupphitaṃ.

32.

1725 Raṃsyā cittaṃ pasādetvā,

vipassissa mahesino;

Paggayha añjaliṃ vandiṃ,

sirasā ukkuṭī ahaṃ.

33.

1726 Ekanavutito kappe,

yaṃ kammamakariṃ tadā;

Duggatiṃ nābhijānāmi,

raṃsisaññāyidaṃ phalaṃ.

34.

1727 Paṭisambhidā catasso,

…pe…

kataṃ buddhassa sāsanaṃ”.

1728 Itthaṃ sudaṃ āyasmā raṃsisaññako thero imā gāthāyo abhāsitthāti.

1729 Raṃsisaññakattherassāpadānaṃ pañcamaṃ.