6.3 Sayanadāyakattheraapadāna

20.

1399 “Padumuttarabuddhassa,

sabbalokānukampino;

Sayanaṃ tassa pādāsiṃ,

vippasannena cetasā.

21.

1400 Tena sayanadānena,

sukhette bījasampadā;

Bhogā nibbattare tassa,

sayanassa idaṃ phalaṃ.

22.

1401 Ākāse seyyaṃ kappemi,

dhāremi pathaviṃ imaṃ;

Pāṇesu me issariyaṃ,

sayanassa idaṃ phalaṃ.

23.

1402 Pañcakappasahassamhi,

aṭṭha āsuṃ mahātejā;

Catuttiṃse kappasate,

caturo ca mahabbalā.

24.

1403 Paṭisambhidā catasso,

…pe…

kataṃ buddhassa sāsanaṃ”.

1404 Itthaṃ sudaṃ āyasmā sayanadāyako thero imā gāthāyo abhāsitthāti.

1405 Sayanadāyakattherassāpadānaṃ tatiyaṃ.