35.4 Tikiṅkaṇipūjakattheraapadāna

27.

3913 “Himavantassāvidūre,

bhūtagaṇo nāma pabbato;

Tatthaddasaṃ paṃsukūlaṃ,

dumaggamhi vilaggitaṃ.

28.

3914 Tīṇi kiṅkaṇipupphāni,

ocinitvānahaṃ tadā;

Haṭṭho haṭṭhena cittena,

paṃsukūlaṃ apūjayiṃ.

29.

3915 Ekattiṃse ito kappe,

yaṃ kammamakariṃ tadā;

Duggatiṃ nābhijānāmi,

tiṇṇaṃ pupphānidaṃ phalaṃ.

30.

3916 Paṭisambhidā catasso,

…pe…

kataṃ buddhassa sāsanaṃ”.

3917 Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.

3918 Tikiṅkaṇipūjakattherassāpadānaṃ catutthaṃ.