Mahāvibhaṅga
Pārājikakaṇḍa
Dutiyapārājikasikkhāpada
Vinītavatthuuddānagāthā
282 Rajakehi pañca akkhātā,
caturo attharaṇehi ca;
Andhakārena ve pañca,
pañca hāraṇakena ca.
283 Niruttiyā pañca akkhātā,
vātehi apare duve;
Asambhinne kusāpāto,
jantaggena sahā dasa. [79]
284 Vighāsehi pañca akkhātā,
pañca ceva amūlakā;
Dubbhikkhe kuramaṁsañca[80],
pūvasakkhalimodakā.
285 Chaparikkhārathavikā,
bhisivaṁsā na nikkhame;
Khādanīyañca vissāsaṁ,
sasaññāyapare duve. [81]
286 Satta nāvaharāmāti,
satta ceva avāharuṁ;
Saṁghassa avaharuṁ satta,
pupphehi apare duve.
287 Tayo ca vuttavādino,
maṇi tīṇi atikkame;
Sūkarā ca migā macchā,
yānañcāpi pavattayi.
288 Duve pesī duve dārū,
paṁsukūlaṁ duve dakā;
Anupubbavidhānena,
tadañño na paripūrayi.
289 Sāvatthiyā caturo muṭṭhī,
dve vighāsā duve tiṇā;
Saṁghassa bhājayuṁ satta,
satta ceva assāmikā.
290 Dārudakā mattikā dve tiṇāni,
Saṁghassa satta avahāsi seyyaṁ[83];
Sassāmikaṁ na cāpi nīhareyya,
Hareyya sassāmikaṁ tāvakālikaṁ. [82]
291 Campā rājagahe ceva,
vesāliyā ca ajjuko;
Bārāṇasī ca kosambī,
sāgalā daḷhikena cāti.
- jantaggena: jantāgharena (syā1-3), jantagghena (pā1) (Word Variant) ↩
- kuramaṁsañca: kūramaṁsañca (syā1-3), kuru-maṁsañ ca (pā1) (Word Variant) ↩
- Dhaparikkhārathavikā: saparikkhārathavikaṁ (sī), saparikkhārathavikā (syā1-3, pā1) (Word Variant) ↩
- Dārudakā: dārudakaṁ (sī), dārūdakā (syā2, syā3) (Word Variant) ↩
- seyyaṁ: avahāsiseyyuṁ (sī), avahāsi theyyaṁ (pā1) (Word Variant) ↩