3.2 Uttamātherīgāthā

42.

74 “Catukkhattuṃ pañcakkhattuṃ,

vihārā upanikkhamiṃ;

Aladdhā cetaso santiṃ,

citte avasavattinī.

43.

75 Sā bhikkhuniṃ upagacchiṃ,

yā me saddhāyikā ahu;

Sā me dhammamadesesi,

khandhāyatanadhātuyo.

44.

76 Tassā dhammaṃ suṇitvāna,

Yathā maṃ anusāsi sā;

Sattāhaṃ ekapallaṅkena,

Nisīdiṃ pītisukhasamappitā;

Aṭṭhamiyā pāde pasāresiṃ,

Tamokhandhaṃ padāliyā”ti.

77 … Uttamā therī… .