4.3.1 Kuṭidūsakajātaka

81.

987 “Manussasseva te sīsaṃ,

hatthapādā ca vānara;

Atha kena nu vaṇṇena,

agāraṃ te na vijjati”.

82.

988 “Manussasseva me sīsaṃ,

hatthapādā ca siṅgila;

Yāhu seṭṭhā manussesu,

sā me paññā na vijjati”.

83.

989 “Anavaṭṭhitacittassa,

lahucittassa dubbhino;

Niccaṃ addhuvasīlassa,

sukhabhāvo na vijjati.

84.

990 So karassu ānubhāvaṃ,

vītivattassu sīliyaṃ;

Sītavātaparittāṇaṃ,

karassu kuṭavaṃ kapī”ti.

991 Kuṭidūsakajātakaṃ paṭhamaṃ.