Tikanipāta
Kumbhavagga
Vakajātaka
148. 874 “Parapāṇarodhā jīvanto,
maṁsalohitabhojano;
Vako vataṁ samādāya,
upapajji uposathaṁ. [478]
149. 875 Tassa sakko vataññāya,
ajarūpenupāgami;
Vītatapo ajjhappatto,
bhañji lohitapo tapaṁ.
150. 876 Evameva idhekacce,
Samādānamhi dubbalā;
Lahuṁ karonti attānaṁ,
Vakova ajakāraṇā”ti. (501)
877 Vakajātakaṁ[479] dasamaṁ.
Kumbhavaggo pañcamo.
878
879 Varakumbha supattasirivhayano,
Sucisammata bindusaro cusabho;
Saritaṁpati caṇḍi jarākapinā,
Atha makkaṭiyā vakakena dasāti.
880
881 Saṅkappo padumo ceva,
Udapānena tatiyaṁ;
Abbhantaraṁ ghaṭabhedaṁ,
Tikanipātamhilaṅkatanti.
882 Tikanipātaṁ niṭṭhitaṁ.