Dukanipāta
Kāsāvavagga
Dutiyapalāyitajātaka
159. 597 “Dhajamaparimitaṁ anantapāraṁ,
Duppasahaṁ dhaṅkehi sāgaraṁva[309];
Girimiva anilena duppasayho[310],
Duppasaho ahamajjatādisena”.
160. 598 “Mā bāliyaṁ vilapi[311] na hissa tādisaṁ,
Viḍayhase na hi labhase nisedhakaṁ;
Āsajjasi gajamiva ekacārinaṁ,
Yo taṁ padā naḷamiva pothayissatī”ti. [312]
599 Dutiyapalāyitajātakaṁ[313] dasamaṁ.
Kāsāvavaggo aṭṭhamo.
600
601 Varavatthavaco dumakhīṇaphalaṁ,
Caturodhammavaraṁ purisuttama;
Dhaṅkamagadhā ca tayogirināma,
Gajaggavaro dhajavarena dasāti.
- sāgaraṁva: sāgaramiva (sī, syā2, syā3, pā1) (Word Variant) ↩
- duppasayho: duppasaho (sī, syā2, syā3, pā1, ka-ma) (Word Variant) ↩
- vilapi: vippalapi (bahūsu) (Word Variant) ↩
- Viḍayhase: viḷayhase (sī, pā1), vidayhase (syā2, syā3) (Word Variant) ↩
- Dutiyapalāyitajātakaṁ: dutiyapalāsijātakaṁ (sī), dutiyapalāyijātakaṁ (syā2, syā3, pā1) (Word Variant) ↩