Metteyyavagga

Dhotakattheraapadāna

72.

4924 “Gaṅgā bhāgīrathī nāma,

himavantā pabhāvitā;

Haṃsavatiyā dvārena,

anusandati tāvade.

Metteyyavagga

Dhotakattheraapadāna

73.

4925 Sobhito nāma ārāmo,

gaṅgākūle sumāpito;

Tattha padumuttaro buddho,

vasate lokanāyako.

Metteyyavagga

Dhotakattheraapadāna

74.

4926 Tidasehi yathā indo,

manujehi purakkhato;

Nisīdi tattha bhagavā,

asambhītova kesarī.

Metteyyavagga

Dhotakattheraapadāna

75.

4927 Nagare haṃsavatiyā,

vasāmi brāhmaṇo ahaṃ;

Chaḷaṅgo nāma nāmena,

evaṃnāmo mahāmuni.

Metteyyavagga

Dhotakattheraapadāna

76.

4928 Aṭṭhārasa sissasatā,

parivārenti maṃ tadā;

Tehi sissehi samito,

gaṅgātīraṃ upāgamiṃ.

Metteyyavagga

Dhotakattheraapadāna

77.

4929 Tatthaddasāsiṃ samaṇe,

nikkuhe dhotapāpake;

Bhāgīrathiṃ tarantehaṃ,

evaṃ cintesi tāvade.

Metteyyavagga

Dhotakattheraapadāna

78.

4930 ‘Sāyaṃ pātaṃ tarantāme,

buddhaputtā mahāyasā;

Vihesayanti attānaṃ,

tesaṃ attā vihaññati.

Metteyyavagga

Dhotakattheraapadāna

79.

4931 Sadevakassa lokassa,

buddho aggo pavuccati;

Natthi me dakkhiṇe kāraṃ,

gatimaggavisodhanaṃ.

Metteyyavagga

Dhotakattheraapadāna

80.

4932 Yannūna buddhaseṭṭhassa,

setuṃ gaṅgāya kāraye;

Kārāpetvā imaṃ kammaṃ,

santarāmi imaṃ bhavaṃ’.

Metteyyavagga

Dhotakattheraapadāna

81.

4933 Satasahassaṃ datvāna,

setuṃ kārāpayiṃ ahaṃ;

Saddahanto kataṃ kāraṃ,

vipulaṃ me bhavissati.

Metteyyavagga

Dhotakattheraapadāna

82.

4934 Kārāpetvāna taṃ setuṃ,

upesiṃ lokanāyakaṃ;

Sirasi añjaliṃ katvā,

imaṃ vacanamabraviṃ.

Metteyyavagga

Dhotakattheraapadāna

83.

4935 ‘Satasahassassa vayaṃ,

datvā kārāpito mayā;

Tavatthāya mahāsetu,

paṭiggaṇha mahāmune’.

Metteyyavagga

Dhotakattheraapadāna

84.

4936 Padumuttaro lokavidū,

āhutīnaṃ paṭiggaho;

Bhikkhusaṃghe nisīditvā,

imā gāthā abhāsatha.

Metteyyavagga

Dhotakattheraapadāna

85.

4937 ‘Yo me setuṃ akāresi,

pasanno sehi pāṇibhi;

Tamahaṃ kittayissāmi,

suṇātha mama bhāsato.