40.1.8.2 Dussānisaṃsa

94.

4391 Dussāni sugate datvā,

saṃghe gaṇavaruttame;

Aṭṭhānisaṃse anubhomi,

kammānucchavike mama.

95.

4392 Suvaṇṇavaṇṇo virajo,

sappabhāso patāpavā;

Siniddhaṃ hoti me gattaṃ,

bhave saṃsarato mama.

96.

4393 Dussasatasahassāni,

setā pītā ca lohitā;

Dhārenti matthake mayhaṃ,

dussadānassidaṃ phalaṃ.

97.

4394 Koseyyakambaliyāni,

khomakappāsikāni ca;

Sabbattha paṭilabhāmi,

tesaṃ nissandato ahaṃ.