36.6 Ambayāgudāyakattheraapadāna

22.

4001 “Sataraṃsī nāma sambuddho,

sayambhū aparājito;

Vuṭṭhahitvā samādhimhā,

bhikkhāya mamupāgami.

23.

4002 Paccekabuddhaṃ disvāna,

ambayāguṃ adāsahaṃ;

Vippasannamanaṃ tassa,

vippasannena cetasā.

24.

4003 Catunnavutito kappe,

yaṃ kammamakariṃ tadā;

Duggatiṃ nābhijānāmi,

ambayāguyidaṃ phalaṃ.

25.

4004 Paṭisambhidā catasso,

…pe…

kataṃ buddhassa sāsanaṃ”.

4005 Itthaṃ sudaṃ āyasmā ambayāgudāyako thero imā gāthāyo abhāsitthāti.

4006 Ambayāgudāyakattherassāpadānaṃ chaṭṭhaṃ.