24.10 Vāsidāyakattheraapadāna

36.

3026 “Kammārohaṃ pure āsiṃ,

tivarāyaṃ puruttame;

Ekā vāsi mayā dinnā,

sayambhuṃ aparājitaṃ.

37.

3027 Catunnavutito kappe,

yaṃ vāsimadadiṃ tadā;

Duggatiṃ nābhijānāmi,

vāsidānassidaṃ phalaṃ.

38.

3028 Paṭisambhidā catasso,

…pe…

kataṃ buddhassa sāsanaṃ”. (2457)

3029 Itthaṃ sudaṃ āyasmā vāsidāyako thero imā gāthāyo abhāsitthāti.

3030 Vāsidāyakattherassāpadānaṃ dasamaṃ.

3031 Udakāsanavaggo catuvīsatimo.

3032 Tassuddānaṃ

3033 Udakāsanabhājanaṃ,

sālapupphī kilañjako;

Vedikā vaṇṇakāro ca,

piyālaambayāgado;

Jagatī vāsidātā ca,

gāthā tiṃsa ca aṭṭha ca.