Tipitaka2500tipitaka2500.github.io

9 Mettasutta

9. เมต์ตสุต์ต

Mettasutta

1. 95 [50] [49] Karaṇīyamatthakusalena,
Yanta santaṁ[51] padaṁ abhisamecca;
Sakko ujū ca suhujū[52] ca,
Sūvaco cassa mudu anatimānī.

2. 96 Santussako ca subharo ca,
Appakicco ca sallahukavutti;
Santindriyo ca nipako ca,
Appagabbho kulesvananugiddho.

3. 97 Na ca khuddamācare kiñci,
Yena viññū pare upavadeyyuṁ;
Sukhino va khemino hontu,
Sabbasattā bhavantu sukhitattā. [53]

4. 98 Ye keci pāṇabhūtatthi,
Tasā vā thāvarā vanavasesā;
Dīghā vā ye va mahantā[54],
Majjhimā rassakā aṇukathūlā.

5. 99 Diṭṭhā vā ye va adiṭṭhā[55],
Ye va[56] dūre va[57]santi avidūre;
Bhūtā va[58] sambhavesī va,
Sabbasattā bhavantu sukhitattā.

6. 100 Na paro paraṁ nikubbetha,
Nātimaññetha katthaci na kañci[59];
Byārosanā paṭighasañña[60],
Nāññamaññassa dukkhamiccheyya.

7. 101 Mātā yathā niyaṁputta,
Māyusā ekaputtamanurakkhe;
Evampi sabbabhūtesu,
Mānasaṁ bhāvaye aparimāṇaṁ.

8. 102 Mettañca sabbalokasmi,
Mānasaṁ bhāvaye aparimāṇaṁ;
Uddhaṁ adho ca tiriyañca,
Asambādhaṁ averamasapattaṁ.

9. 103 Tiṭṭhaṁ caraṁ nisinno va[61],
Sayāno yāvatāssa vitamiddho[62];
Etaṁ satiṁ adhiṭṭheyya,
Brahmametaṁ vihāramidhamāhu.

10. 104 Diṭṭhiñca anupaggamma,
Sīlavā dassanena sampanno;
Kāmesu vinaya[63] gedhaṁ,
Na hi jātuggabbhaseyya punaretīti.

105 Mettasuttaṁ[64].

106 Khuddakapāṭhapāḷi niṭṭhitā.

  1. karaṇīyamettasuttaṁ (syā1-3) (Word Variant) ↩
  2. 18Sn:165 (Cross Reference) ↩
  3. santaṁ: yantaṁ santaṁ (sī, syā1-3), yan taṁ santaṁ (pā1) 18Sn:165 ca aṭṭha ca (Word Variant) ↩
  4. suhujū: sūjū (sī) (Word Variant) ↩
  5. Sabbasattā: sabbe sattā (sī, syā1-3) (Word Variant) ↩
  6. mahantā: dīghā vā ye mahantā vā (sī, syā1-3), ... mahanta (?) (Word Variant) ↩
  7. adiṭṭhā: addiṭṭhā (sī), adiṭṭha (?) (Word Variant) ↩
  8. va: ye ca (sī, syā1-3, kaṃ, pā1) (Word Variant) ↩
  9. va: vā (syā1-3, kaṃ, pā1, ka-ma) (Word Variant) ↩
  10. va: vā (sī, syā1-3, kaṃ, pā1) (Word Variant) ↩
  11. kañci: naṁ kañci (sī, pā1), naṁ kiñci (syā1-3), na kiñci (ka-ma) (Word Variant) ↩
  12. paṭighasañña: paṭighasaññā (sī, syā1-3, pā1) (Word Variant) ↩
  13. va: vā (sī, syā1-3, kaṃ, pā1) (Word Variant) ↩
  14. vitamiddho: vigatamiddho (bahūsu) (Word Variant) ↩
  15. vinaya: vineyya (sī, syā1-3) (Word Variant) ↩
  16. Mettasuttaṁ: karaṇīyasuttaṁ (syā1-3) (Word Variant) ↩