3.2.5 Duccaritasutta

Tikanipāta

Dutiyavagga

Duccaritasutta

64. 413 Vuttañhetaṃ bhagavatā vuttamarahatāti me sutaṃ—

414 “Tīṇimāni, bhikkhave, duccaritāni. Katamāni tīṇi? Kāyaduccaritaṃ, vacīduccaritaṃ, manoduccaritaṃ— imāni kho, bhikkhave, tīṇi duccaritānī”ti. Etamatthaṃ bhagavā avoca. Tatthetaṃ iti vuccati—

415 “Kāyaduccaritaṃ katvā,

vacīduccaritāni ca;

Manoduccaritaṃ katvā,

yañcaññaṃ dosasaṃhitaṃ.

416 Akatvā kusalaṃ kammaṃ,

katvānākusalaṃ bahuṃ;

Kāyassa bhedā duppañño,

nirayaṃ sopapajjatī”ti.

417 Ayampi attho vutto bhagavatā, iti me sutanti.

418 Pañcamaṃ.