tipitaka2500.github.io
-
-
- Khuddakapāṭhapāḷi
- Dhammapadapāḷi
- Udānapāḷi
- Itivuttakapāḷi
- Suttanipātapāḷi
- Vimānavatthupāḷi
- Petavatthupāḷi
- Theragāthāpāḷi
- Therīgāthāpāḷi
- Therāpadānapāḷi
- Therīapadānapāḷi
- Buddhavaṃsapāḷi
- Cariyāpiṭakapāḷi
- Jātakapāḷi
- Jātakapāḷi
- Mahāniddesapāḷi
- Cūḷaniddesapāḷi
- Paṭisambhidāmaggapāḷi
- Nettipāḷi
- Peṭakopadesapāḷi
- Milindapañhapāḷi
-
2.1.9 Dutiyajananakuhanasutta
Dukanipāta
Paṭhamavagga
Dutiyajananakuhanasutta
36. 220 Vuttañhetaṃ bhagavatā vuttamarahatāti me sutaṃ—
221 “Nayidaṃ, bhikkhave, brahmacariyaṃ vussati janakuhanatthaṃ, na janalapanatthaṃ, na lābhasakkārasilokānisaṃsatthaṃ, na ‘iti maṃ jano jānātū’ti. Atha kho idaṃ, bhikkhave, brahmacariyaṃ vussati abhiññatthañceva pariññatthañcā”ti. Etamatthaṃ bhagavā avoca. Tatthetaṃ iti vuccati—
| 222 “Abhiññatthaṃ pariññatthaṃ, |
| brahmacariyaṃ anītihaṃ; |
| Adesayi so bhagavā, |
| nibbānogadhagāminaṃ. |
| 223 Esa maggo mahattehi, |
| anuyāto mahesibhi; |
| Ye ye taṃ paṭipajjanti, |
| yathā buddhena desitaṃ; |
| Dukkhassantaṃ karissanti, |
| satthusāsanakārino”ti. |
224 Ayampi attho vutto bhagavatā, iti me sutanti.
225 Navamaṃ.