tipitaka2500.github.io
-
-
- Khuddakapāṭhapāḷi
- Dhammapadapāḷi
- Udānapāḷi
- Itivuttakapāḷi
- Suttanipātapāḷi
- Vimānavatthupāḷi
- Petavatthupāḷi
- Theragāthāpāḷi
- Therīgāthāpāḷi
- Therāpadānapāḷi
- Therīapadānapāḷi
- Buddhavaṃsapāḷi
- Cariyāpiṭakapāḷi
- Jātakapāḷi
- Jātakapāḷi
- Mahāniddesapāḷi
- Cūḷaniddesapāḷi
- Paṭisambhidāmaggapāḷi
- Nettipāḷi
- Peṭakopadesapāḷi
- Milindapañhapāḷi
-
2.1.10 Somanassasutta
Dukanipāta
Paṭhamavagga
Somanassasutta
37. 226 Vuttañhetaṃ bhagavatā vuttamarahatāti me sutaṃ—
227 “Dvīhi, bhikkhave, dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāya. Katamehi dvīhi? Saṃvejanīyesu ṭhānesu saṃvejanena, saṃviggassa ca yoniso padhānena. Imehi kho, bhikkhave, dvīhi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāyā”ti. Etamatthaṃ bhagavā avoca. Tatthetaṃ iti vuccati—
| 228 “Saṃvejanīyaṭṭhānesu, |
| saṃvijjetheva paṇḍito; |
| Ātāpī nipako bhikkhu, |
| paññāya samavekkhiya. |
| 229 Evaṃ vihārī ātāpī, |
| santavutti anuddhato; |
| Cetosamathamanuyutto, |
| khayaṃ dukkhassa pāpuṇe”ti. |
230 Ayampi attho vutto bhagavatā, iti me sutanti.
231 Dasamaṃ.
232 Paṭhamo vaggo.
233 Tassuddānaṃ
| 234 Dve ca bhikkhū tapanīyā, |
| tapanīyā paratthehi; |
| Ātāpī nakuhanā dve, |
| somanassena te dasāti. |