tipitaka2500.github.io
-
-
- Khuddakapāṭhapāḷi
- Dhammapadapāḷi
- Udānapāḷi
- Itivuttakapāḷi
- Suttanipātapāḷi
- Vimānavatthupāḷi
- Petavatthupāḷi
- Theragāthāpāḷi
- Therīgāthāpāḷi
- Therāpadānapāḷi
- Therīapadānapāḷi
- Buddhavaṃsapāḷi
- Cariyāpiṭakapāḷi
- Jātakapāḷi
- Jātakapāḷi
- Mahāniddesapāḷi
- Cūḷaniddesapāḷi
- Paṭisambhidāmaggapāḷi
- Nettipāḷi
- Peṭakopadesapāḷi
- Milindapañhapāḷi
-
5.1.8 Sīsupacālāsutta
Bhikkhunīsaṃyutta
Bhikkhunīvagga
Sīsupacālāsutta
169. 984 Sāvatthinidānaṃ. Atha kho sīsupacālā bhikkhunī pubbaṇhasamayaṃ nivāsetvā…pe… aññatarasmiṃ rukkhamūle divāvihāraṃ nisīdi. Atha kho māro pāpimā yena sīsupacālā bhikkhunī tenupasaṅkami; upasaṅkamitvā sīsupacālaṃ bhikkhuniṃ etadavoca— “kassa nu tvaṃ, bhikkhuni, pāsaṇḍaṃ rocesī”ti? “Na khvāhaṃ, āvuso, kassaci pāsaṇḍaṃ rocemī”ti.
| 985 “Kaṃ nu uddissa muṇḍāsi, |
| Samaṇī viya dissasi; |
| Na ca rocesi pāsaṇḍaṃ, |
| Kimiva carasi momūhā”ti. |
| 986 “Ito bahiddhā pāsaṇḍā, |
| diṭṭhīsu pasīdanti te; |
| Na tesaṃ dhammaṃ rocemi, |
| te dhammassa akovidā. |
| 987 Atthi sakyakule jāto, |
| buddho appaṭipuggalo; |
| Sabbābhibhū māranudo, |
| sabbatthamaparājito. |
| 988 Sabbattha mutto asito, |
| sabbaṃ passati cakkhumā; |
| Sabbakammakkhayaṃ patto, |
| vimutto upadhisaṅkhaye; |
| So mayhaṃ bhagavā satthā, |
| tassa rocemi sāsanan”ti. |
989 Atha kho māro pāpimā “jānāti maṃ sīsupacālā bhikkhunī”ti dukkhī dummano tatthevantaradhāyīti.