Tika, Hetuduka
Parittattika, Hetuduka
Nahetupada
Paṭiccādivāra
Paccayacatukka
Hetu
162. 591 Parittaṁ nahetuṁ dhammaṁ paṭicca paritto nahetu dhammo uppajjati hetupaccayā… tīṇi.
592 Mahaggataṁ nahetuṁ dhammaṁ paṭicca mahaggato nahetu dhammo uppajjati hetupaccayā. Mahaggataṁ nahetuṁ dhammaṁ paṭicca paritto nahetu dhammo uppajjati hetupaccayā. Mahaggataṁ nahetuṁ dhammaṁ paṭicca paritto nahetu ca mahaggato nahetu ca dhammā uppajjanti hetupaccayā. (3)
593 Appamāṇaṁ nahetuṁ dhammaṁ paṭicca appamāṇo nahetu dhammo uppajjati hetupaccayā. Appamāṇaṁ nahetuṁ dhammaṁ paṭicca paritto nahetu dhammo uppajjati hetupaccayā. Appamāṇaṁ nahetuṁ dhammaṁ paṭicca paritto nahetu ca appamāṇo nahetu ca dhammā uppajjanti hetupaccayā. (3)
594 Parittaṁ nahetuñca mahaggataṁ nahetuñca dhammaṁ paṭicca paritto nahetu dhammo uppajjati hetupaccayā… tīṇi.
595 Parittaṁ nahetuñca appamāṇaṁ nahetuñca dhammaṁ paṭicca paritto nahetu dhammo uppajjati hetupaccayā. (1) (Saṁkhittaṁ.)
163. 596 Hetuyā terasa, ārammaṇe pañca, adhipatiyā nava…pe… sahajāte terasa, aññamaññe satta…pe… purejāte āsevane tīṇi…pe… vigate pañca, avigate terasa. (Saṁkhittaṁ.)