Niddesavāra
Dvādasapada
47 Akkharaṁ padaṁ byañjanaṁ,
nirutti tatheva niddeso;
Ākārachaṭṭhavacanaṁ,
ettāva byañjanaṁ sabbaṁ.
48 Saṅkāsanā pakāsanā,
Vivaraṇā vibhajanuttānīkammapaññatti;
Etehi chahi padehi,
Attho kammañca niddiṭṭhaṁ.
49 Tīṇi ca nayā anūnā,
Atthassa ca chappadāni gaṇitāni;
Navahi padehi bhagavato,
Vacanassattho samāyutto.
50 Atthassa navappadāni,
Byañjanapariyeṭṭhiyā catubbīsa;
Ubhayaṁ saṅkalayitvā[15],
Tettiṁsā ettikā nettīti.
51 Niddesavāro.
- saṅkalayitvā: saṅkhepayato (pā1, ka-ma) (Word Variant) ↩