Mahāvagga

Diṭṭhikathā

122. 710 Kā diṭṭhi, kati diṭṭhiṭṭhānāni, kati diṭṭhipariyuṭṭhānāni, kati diṭṭhiyo, kati diṭṭhābhinivesā, katamo diṭṭhiṭṭhānasamugghātoti?

Mahāvagga

Diṭṭhikathā

711 Kā diṭṭhī ti abhinivesaparāmāso diṭṭhi. (1)

Mahāvagga

Diṭṭhikathā

712 Kati diṭṭhiṭṭhānānī ti aṭṭha diṭṭhiṭṭhānāni. (2)

Mahāvagga

Diṭṭhikathā

713 Kati diṭṭhipariyuṭṭhānānī ti aṭṭhārasa diṭṭhipariyuṭṭhānāni. (3)

Mahāvagga

Diṭṭhikathā

714 Kati diṭṭhiyo ti soḷasa diṭṭhiyo. (4)

Mahāvagga

Diṭṭhikathā

715 Kati diṭṭhābhinivesā ti tīṇi sataṃ diṭṭhābhinivesā. (5)

Mahāvagga

Diṭṭhikathā

716 Katamo diṭṭhiṭṭhānasamugghāto ti sotāpattimaggo diṭṭhiṭṭhānasamugghāto. (6)

Mahāvagga

Diṭṭhikathā

123. 717 Kathaṃ abhinivesaparāmāso diṭṭhi ? Rūpaṃ etaṃ mama, esohamasmi, eso me attāti—  abhinivesaparāmāso diṭṭhi. Vedanaṃ etaṃ mama…pe…  saññaṃ etaṃ mama…pe…  saṅkhāre etaṃ mama…pe…  viññāṇaṃ etaṃ mama, esohamasmi, eso me attāti—  abhinivesaparāmāso diṭṭhi. Cakkhuṃ etaṃ mama…  sotaṃ etaṃ mama…  ghānaṃ etaṃ mama…  jivhaṃ etaṃ mama…  kāyaṃ etaṃ mama…  manaṃ etaṃ mama, esohamasmi, eso me attāti—  abhinivesaparāmāso diṭṭhi. Rūpe etaṃ mama…  sadde etaṃ mama…  gandhe etaṃ mama…  rase etaṃ mama…  phoṭṭhabbe etaṃ mama…  dhamme etaṃ mama, esohamasmi, eso me attāti—  abhinivesaparāmāso diṭṭhi. Cakkhuviññāṇaṃ etaṃ mama…  sotaviññāṇaṃ etaṃ mama…  ghānaviññāṇaṃ etaṃ mama…  jivhāviññāṇaṃ etaṃ mama…  kāyaviññāṇaṃ etaṃ mama…  manoviññāṇaṃ etaṃ mama, esohamasmi, eso me attāti—  abhinivesaparāmāso diṭṭhi. Cakkhusamphassaṃ etaṃ mama…  sotasamphassaṃ etaṃ mama…  ghānasamphassaṃ etaṃ mama…  jivhāsamphassaṃ etaṃ mama…  kāyasamphassaṃ etaṃ mama…  manosamphassaṃ etaṃ mama, esohamasmi, eso me attāti—  abhinivesaparāmāso diṭṭhi. Cakkhusamphassajaṃ vedanaṃ…  sotasamphassajaṃ vedanaṃ…  ghānasamphassajaṃ vedanaṃ…  jivhāsamphassajaṃ vedanaṃ…  kāyasamphassajaṃ vedanaṃ…  manosamphassajaṃ vedanaṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

718 Rūpasaññaṃ etaṃ mama…  saddasaññaṃ etaṃ mama…  gandhasaññaṃ etaṃ mama…  rasasaññaṃ etaṃ mama…  phoṭṭhabbasaññaṃ etaṃ mama…  dhammasaññaṃ etaṃ mama, esohamasmi, eso me attāti—  abhinivesaparāmāso diṭṭhi. Rūpasañcetanaṃ etaṃ mama…  saddasañcetanaṃ etaṃ mama…  gandhasañcetanaṃ etaṃ mama…  rasasañcetanaṃ etaṃ mama…  phoṭṭhabbasañcetanaṃ etaṃ mama…  dhammasañcetanaṃ etaṃ mama, esohamasmi, eso me attāti—  abhinivesaparāmāso diṭṭhi. Rūpataṇhaṃ etaṃ mama…  saddataṇhaṃ etaṃ mama…  gandhataṇhaṃ etaṃ mama…  rasataṇhaṃ etaṃ mama…  phoṭṭhabbataṇhaṃ etaṃ mama…  dhammataṇhaṃ etaṃ mama, esohamasmi, eso me attāti—  abhinivesaparāmāso diṭṭhi. Rūpavitakkaṃ etaṃ mama…  saddavitakkaṃ etaṃ mama…  gandhavitakkaṃ etaṃ mama…  rasavitakkaṃ etaṃ mama…  phoṭṭhabbavitakkaṃ etaṃ mama…  dhammavitakkaṃ etaṃ mama, esohamasmi, eso me attāti—  abhinivesaparāmāso diṭṭhi. Rūpavicāraṃ etaṃ mama…  saddavicāraṃ etaṃ mama…  gandhavicāraṃ etaṃ mama…  rasavicāraṃ etaṃ mama…  phoṭṭhabbavicāraṃ etaṃ mama…  dhammavicāraṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

719 Pathavīdhātuṃ etaṃ mama…  āpodhātuṃ etaṃ mama…  tejodhātuṃ etaṃ mama…  vāyodhātuṃ etaṃ mama…  ākāsadhātuṃ etaṃ mama…  viññāṇadhātuṃ etaṃ mama, esohamasmi, eso me attāti—  abhinivesaparāmāso diṭṭhi. Pathavīkasiṇaṃ etaṃ mama…  āpokasiṇaṃ…  tejokasiṇaṃ…  vāyokasiṇaṃ…  nīlakasiṇaṃ…  pītakasiṇaṃ…  lohitakasiṇaṃ…  odātakasiṇaṃ…  ākāsakasiṇaṃ…  viññāṇakasiṇaṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

720 Kesaṃ etaṃ mama…  lomaṃ etaṃ mama…  nakhaṃ etaṃ mama…  dantaṃ etaṃ mama…  tacaṃ etaṃ mama…  maṃsaṃ etaṃ mama…  nhāruṃ etaṃ mama…  aṭṭhiṃ etaṃ mama…  aṭṭhimiñjaṃ etaṃ mama…  vakkaṃ etaṃ mama…  hadayaṃ etaṃ mama…  yakanaṃ etaṃ mama…  kilomakaṃ etaṃ mama…  pihakaṃ etaṃ mama…  papphāsaṃ etaṃ mama…  antaṃ etaṃ mama…  antaguṇaṃ etaṃ mama…  udariyaṃ etaṃ mama…  karīsaṃ etaṃ mama…  pittaṃ etaṃ mama…  semhaṃ etaṃ mama…  pubbaṃ etaṃ mama …  lohitaṃ etaṃ mama…  sedaṃ etaṃ mama…  medaṃ etaṃ mama…  assuṃ etaṃ mama…  vasaṃ etaṃ mama…  kheḷaṃ etaṃ mama…  siṅghāṇikaṃ etaṃ mama…  lasikaṃ etaṃ mama…  muttaṃ etaṃ mama…  matthaluṅgaṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

721 Cakkhāyatanaṃ etaṃ mama…  rūpāyatanaṃ etaṃ mama…  sotāyatanaṃ etaṃ mama…  saddāyatanaṃ etaṃ mama…  ghānāyatanaṃ etaṃ mama…  gandhāyatanaṃ etaṃ mama…  jivhāyatanaṃ etaṃ mama…  rasāyatanaṃ etaṃ mama…  kāyāyatanaṃ etaṃ mama…  phoṭṭhabbāyatanaṃ etaṃ mama…  manāyatanaṃ etaṃ mama…  dhammāyatanaṃ etaṃ mama.

Mahāvagga

Diṭṭhikathā

722 Cakkhudhātuṃ etaṃ mama…  rūpadhātuṃ etaṃ mama…  cakkhuviññāṇadhātuṃ etaṃ mama…  sotadhātuṃ etaṃ mama…  saddadhātuṃ etaṃ mama…  sotaviññāṇadhātuṃ etaṃ mama…  ghānadhātuṃ etaṃ mama…  gandhadhātuṃ etaṃ mama…  ghānaviññāṇadhātuṃ etaṃ mama…  jivhādhātuṃ etaṃ mama…  rasadhātuṃ etaṃ mama…  jivhāviññāṇadhātuṃ etaṃ mama…  kāyadhātuṃ etaṃ mama…  phoṭṭhabbadhātuṃ etaṃ mama…  kāyaviññāṇadhātuṃ etaṃ mama…  manodhātuṃ etaṃ mama…  dhammadhātuṃ etaṃ mama…  manoviññāṇadhātuṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

723 Cakkhundriyaṃ etaṃ mama…  sotindriyaṃ etaṃ mama…  ghānindriyaṃ etaṃ mama…  jivhindriyaṃ etaṃ mama…  kāyindriyaṃ etaṃ mama…  manindriyaṃ etaṃ mama…  jīvitindriyaṃ etaṃ mama…  itthindriyaṃ etaṃ mama…  purisindriyaṃ etaṃ mama…  sukhindriyaṃ etaṃ mama…  dukkhindriyaṃ etaṃ mama…  somanassindriyaṃ etaṃ mama…  domanassindriyaṃ etaṃ mama…  upekkhindriyaṃ etaṃ mama…  saddhindriyaṃ etaṃ mama…  vīriyindriyaṃ etaṃ mama…  satindriyaṃ etaṃ mama…  samādhindriyaṃ etaṃ mama…  paññindriyaṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

724 Kāmadhātuṃ etaṃ mama…  rūpadhātuṃ etaṃ mama…  arūpadhātuṃ etaṃ mama…  kāmabhavaṃ etaṃ mama…  rūpabhavaṃ etaṃ mama…  arūpabhavaṃ etaṃ mama…  saññābhavaṃ etaṃ mama…  asaññābhavaṃ etaṃ mama…  nevasaññānāsaññābhavaṃ etaṃ mama…  ekavokārabhavaṃ etaṃ mama…  catuvokārabhavaṃ etaṃ mama…  pañcavokārabhavaṃ etaṃ mama…  paṭhamajjhānaṃ etaṃ mama…  dutiyajjhānaṃ etaṃ mama…  tatiyajjhānaṃ etaṃ mama…  catutthajjhānaṃ etaṃ mama…  mettaṃ cetovimuttiṃ etaṃ mama…  karuṇaṃ cetovimuttiṃ etaṃ mama…  muditaṃ cetovimuttiṃ etaṃ mama…  upekkhaṃ cetovimuttiṃ etaṃ mama…  ākāsānañcāyatanasamāpattiṃ etaṃ mama…  viññāṇañcāyatanasamāpattiṃ etaṃ mama…  ākiñcaññāyatanasamāpattiṃ etaṃ mama…  nevasaññānāsaññāyatanasamāpattiṃ etaṃ mama, esohamasmi, eso me attāti—  abhinivesaparāmāso diṭṭhi.

Mahāvagga

Diṭṭhikathā

725 Avijjaṃ etaṃ mama…  saṅkhāre etaṃ mama…  viññāṇaṃ etaṃ mama…  nāmarūpaṃ etaṃ mama…  saḷāyatanaṃ etaṃ mama…  phassaṃ etaṃ mama…  vedanaṃ etaṃ mama…  taṇhaṃ etaṃ mama…  upādānaṃ etaṃ mama…  bhavaṃ etaṃ mama…  jātiṃ etaṃ mama…  jarāmaraṇaṃ etaṃ mama, esohamasmi, eso me attāti—  abhinivesaparāmāso diṭṭhi. Evaṃ abhinivesaparāmāso diṭṭhi. (1)

Mahāvagga

Diṭṭhikathā

124. 726 Katamāni aṭṭha diṭṭhiṭṭhānāni? Khandhāpi diṭṭhiṭṭhānaṃ, avijjāpi diṭṭhiṭṭhānaṃ, phassopi diṭṭhiṭṭhānaṃ, saññāpi diṭṭhiṭṭhānaṃ, vitakkopi diṭṭhiṭṭhānaṃ, ayoniso manasikāropi diṭṭhiṭṭhānaṃ, pāpamittopi diṭṭhiṭṭhānaṃ, paratoghosopi diṭṭhiṭṭhānaṃ.

Mahāvagga

Diṭṭhikathā

727 Khandhā hetu khandhā paccayo diṭṭhiṭṭhānaṃ upādāya samuṭṭhānaṭṭhena—  evaṃ khandhāpi diṭṭhiṭṭhānaṃ.

Mahāvagga

Diṭṭhikathā

728 Avijjā hetu avijjā paccayo diṭṭhiṭṭhānaṃ upādāya samuṭṭhānaṭṭhena—  evaṃ avijjāpi diṭṭhiṭṭhānaṃ.

Mahāvagga

Diṭṭhikathā

729 Phasso hetu phasso paccayo diṭṭhiṭṭhānaṃ upādāya samuṭṭhānaṭṭhena—  evaṃ phassopi diṭṭhiṭṭhānaṃ.

Mahāvagga

Diṭṭhikathā

730 Saññā hetu saññā paccayo diṭṭhiṭṭhānaṃ upādāya samuṭṭhānaṭṭhena—  evaṃ saññāpi diṭṭhiṭṭhānaṃ.

Mahāvagga

Diṭṭhikathā

731 Vitakko hetu vitakko paccayo diṭṭhiṭṭhānaṃ upādāya, samuṭṭhānaṭṭhena—  evaṃ vitakkopi diṭṭhiṭṭhānaṃ.

Mahāvagga

Diṭṭhikathā

732 Ayoniso manasikāro hetu ayoniso manasikāro paccayo diṭṭhiṭṭhānaṃ upādāya samuṭṭhānaṭṭhena—  evaṃ ayoniso manasikāropi diṭṭhiṭṭhānaṃ.

Mahāvagga

Diṭṭhikathā

733 Pāpamitto hetu pāpamitto paccayo diṭṭhiṭṭhānaṃ upādāya, samuṭṭhānaṭṭhena—  evaṃ pāpamittopi diṭṭhiṭṭhānaṃ.

Mahāvagga

Diṭṭhikathā

734 Paratoghoso hetu paratoghoso paccayo diṭṭhiṭṭhānaṃ upādāya samuṭṭhānaṭṭhena—  evaṃ paratoghosopi diṭṭhiṭṭhānaṃ. Imāni aṭṭha diṭṭhiṭṭhānāni. (2)

Mahāvagga

Diṭṭhikathā

125. 735 Katamāni aṭṭhārasa diṭṭhipariyuṭṭhānāni? Yā diṭṭhi diṭṭhigataṃ, diṭṭhigahanaṃ, diṭṭhikantāraṃ, diṭṭhivisūkaṃ, diṭṭhivipphanditaṃ, diṭṭhisaññojanaṃ, diṭṭhisallaṃ, diṭṭhisambādho, diṭṭhipalibodho, diṭṭhibandhanaṃ, diṭṭhipapāto, diṭṭhānusayo, diṭṭhisantāpo, diṭṭhipariḷāho, diṭṭhigantho, diṭṭhupādānaṃ, diṭṭhābhiniveso, diṭṭhiparāmāso—  imāni aṭṭhārasa diṭṭhipariyuṭṭhānāni. (3)

Mahāvagga

Diṭṭhikathā

126. 736 Katamā soḷasa diṭṭhiyo? Assādadiṭṭhi, attānudiṭṭhi, micchādiṭṭhi, sakkāyadiṭṭhi, sakkāyavatthukā sassatadiṭṭhi, sakkāyavatthukā ucchedadiṭṭhi, antaggāhikā diṭṭhi, pubbantānudiṭṭhi, aparantānudiṭṭhi, saññojanikā diṭṭhi, ahanti mānavinibandhā diṭṭhi, mamanti mānavinibandhā diṭṭhi, attavādapaṭisaṃyuttā diṭṭhi, lokavādapaṭisaṃyuttā diṭṭhi, bhavadiṭṭhi, vibhavadiṭṭhi—  imā soḷasa diṭṭhiyo. (4)

Mahāvagga

Diṭṭhikathā

127. 737 Katame tīṇi sataṃ diṭṭhābhinivesā? Assādadiṭṭhiyā katihākārehi abhiniveso hoti? Attānudiṭṭhiyā katihākārehi abhiniveso hoti? Micchādiṭṭhiyā katihākārehi abhiniveso hoti? Sakkāyadiṭṭhiyā katihākārehi abhiniveso hoti? Sakkāyavatthukāya sassatadiṭṭhiyā katihākārehi abhiniveso hoti? Sakkāyavatthukāya ucchedadiṭṭhiyā katihākārehi abhiniveso hoti? Antaggāhikāya diṭṭhiyā katihākārehi abhiniveso hoti? Pubbantānudiṭṭhiyā katihākārehi abhiniveso hoti? Aparantānudiṭṭhiyā katihākārehi abhiniveso hoti? Saññojanikāya diṭṭhiyā katihākārehi abhiniveso hoti? Ahanti mānavinibandhāya diṭṭhiyā katihākārehi abhiniveso hoti? Mamanti mānavinibandhāya diṭṭhiyā katihākārehi abhiniveso hoti? Attavādapaṭisaṃyuttāya diṭṭhiyā katihākārehi abhiniveso hoti? Lokavādapaṭisaṃyuttāya diṭṭhiyā katihākārehi abhiniveso hoti? Bhavadiṭṭhiyā katihākārehi abhiniveso hoti? Vibhavadiṭṭhiyā katihākārehi abhiniveso hoti?

Mahāvagga

Diṭṭhikathā

738 Assādadiṭṭhiyā pañcatiṃsāya ākārehi abhiniveso hoti. Attānudiṭṭhiyā vīsatiyā ākārehi abhiniveso hoti. Micchādiṭṭhiyā dasahākārehi abhiniveso hoti. Sakkāyadiṭṭhiyā vīsatiyā ākārehi abhiniveso hoti. Sakkāyavatthukāya sassatadiṭṭhiyā pannarasahi ākārehi abhiniveso hoti. Sakkāyavatthukāya ucchedadiṭṭhiyā pañcahākārehi abhiniveso hoti. Antaggāhikāya diṭṭhiyā paññāsāya ākārehi abhiniveso hoti. Pubbantānudiṭṭhiyā aṭṭhārasahi ākārehi abhiniveso hoti. Aparantānudiṭṭhiyā catucattālīsāya ākārehi abhiniveso hoti. Saññojanikāya diṭṭhiyā aṭṭhārasahi ākārehi abhiniveso hoti. Ahanti mānavinibandhāya diṭṭhiyā aṭṭhārasahi ākārehi abhiniveso hoti. Mamanti mānavinibandhāya diṭṭhiyā aṭṭhārasahi ākārehi abhiniveso hoti. Attavādapaṭisaṃyuttāya diṭṭhiyā vīsatiyā ākārehi abhiniveso hoti. Lokavādapaṭisaṃyuttāya diṭṭhiyā aṭṭhahi ākārehi abhiniveso hoti. Bhavadiṭṭhiyā ekena ākārena abhiniveso hoti. Vibhavadiṭṭhiyā ekena ākārena abhiniveso hoti.