2.4.10 Sīlānisaṃsajātaka

79.

465 “Passa saddhāya sīlassa,

cāgassa ca ayaṃ phalaṃ;

Nāgo nāvāya vaṇṇena,

saddhaṃ vahatupāsakaṃ.

80.

466 Sabbhireva samāsetha,

sabbhi kubbetha santhavaṃ;

Satañhi sannivāsena,

sotthiṃ gacchati nhāpito”ti.

467 Sīlānisaṃsajātakaṃ dasamaṃ.
Asadisavaggo catuttho.

468 Tassuddānaṃ

469 Dhanuggaha kuñjara apparaso,

Giridattamanāvilacittavaraṃ;

Dadhivāhana jambūka sīhanakho,

Haritayava nāgavarena dasāti.