40.1.9 Sādhāraṇānisaṃsa

205.

4502 Kilesā jhāpitā mayhaṃ,

bhavā sabbe samūhatā;

Nāgova bandhanaṃ chetvā,

viharāmi anāsavo.

206.

4503 Svāgataṃ vata me āsi,

mama buddhassa santike;

Tisso vijjā anuppattā,

kataṃ buddhassa sāsanaṃ.

207.

4504 Paṭisambhidā catasso,

vimokkhāpi ca aṭṭhime;

Chaḷabhiññā sacchikatā,

kataṃ buddhassa sāsanaṃ”.

4505 Itthaṃ sudaṃ āyasmā pilindavaccho thero imā gāthāyo abhāsitthāti.

4506 Pilindavacchattherassāpadānaṃ paṭhamaṃ.