2.1.10 Vasabhattheragāthā

139.

301 “Pubbe hanati attānaṃ,

pacchā hanati so pare;

Suhataṃ hanti attānaṃ,

vītaṃseneva pakkhimā.

140.

302 Na brāhmaṇo bahivaṇṇo,

anto vaṇṇo hi brāhmaṇo;

Yasmiṃ pāpāni kammāni,

sa ve kaṇho sujampatī”ti.

303 … Vasabho thero… .
Vaggo paṭhamo.

304 Tassuddānaṃ

305 Uttaro ceva piṇḍolo,

valliyo tīriyo isi;

Ajino ca meḷajino,

rādho surādho gotamo;

Vasabhena ime honti,

dasa therā mahiddhikāti.