1.1.10 Puṇṇamāsattheragāthā

10.

23 “Vihari apekkhaṃ idha vā huraṃ vā,

Yo vedagū samito yatatto;

Sabbesu dhammesu anūpalitto,

Lokassa jaññā udayabbayañcā”ti.

24 Itthaṃ sudaṃ āyasmā puṇṇamāso thero gāthaṃ abhāsitthāti.

25 Vaggo paṭhamo.

26 Tassuddānaṃ

27 Subhūti koṭṭhiko thero,

kaṅkhārevatasammato;

Mantāṇiputto dabbo ca,

sītavaniyo ca bhalliyo;

Vīro pilindavaccho ca,

puṇṇamāso tamonudoti.