10.7 Mahāmoggallānattheravatthu

137.

147 Yo daṇḍena adaṇḍesu,

appaduṭṭhesu dussati;

Dasannamaññataraṃ ṭhānaṃ,

khippameva nigacchati.

138.

148 Vedanaṃ pharusaṃ jāniṃ,

sarīrassa va bhedanaṃ;

Garukaṃ vāpi ābādhaṃ,

cittakkhepaṃ va pāpuṇe.

139.

149 Rājato vā upasaggaṃ,

Abbhakkhānaṃ va dāruṇaṃ;

Parikkhayaṃ va ñātīnaṃ,

Bhogānaṃ va pabhaṅguraṃ.

140.

150 Atha vāssa agārāni,

aggi ḍahati pāvako;

Kāyassa bhedā duppañño,

nirayaṃ sopapajjati.