tipitaka2500.github.io
-
-
- Khuddakapāṭhapāḷi
- Dhammapadapāḷi
- Udānapāḷi
- Itivuttakapāḷi
- Suttanipātapāḷi
- Vimānavatthupāḷi
- Petavatthupāḷi
- Theragāthāpāḷi
- Therīgāthāpāḷi
- Therāpadānapāḷi
- Therīapadānapāḷi
- Buddhavaṃsapāḷi
- Cariyāpiṭakapāḷi
- Jātakapāḷi
- Jātakapāḷi
- Mahāniddesapāḷi
- Cūḷaniddesapāḷi
- Paṭisambhidāmaggapāḷi
- Nettipāḷi
- Peṭakopadesapāḷi
- Milindapañhapāḷi
-
2.3.4 Vaḍḍhisutta
Dutiyapaṇṇāsaka
Ākaṅkhavagga
Vaḍḍhisutta
74. 545 “Dasahi, bhikkhave, vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati, sārādāyī ca hoti varādāyī kāyassa. Katamehi dasahi? Khettavatthūhi vaḍḍhati, dhanadhaññena vaḍḍhati, puttadārehi vaḍḍhati, dāsakammakaraporisehi vaḍḍhati, catuppadehi vaḍḍhati, saddhāya vaḍḍhati, sīlena vaḍḍhati, sutena vaḍḍhati, cāgena vaḍḍhati, paññāya vaḍḍhati— imehi kho, bhikkhave, dasahi vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati, sārādāyī ca hoti varādāyī kāyassāti.
| 546 Dhanena dhaññena ca yodha vaḍḍhati, |
| Puttehi dārehi catuppadehi ca; |
| Sa bhogavā hoti yasassi pūjito, |
| Ñātīhi mittehi athopi rājubhi. |
| 547 Saddhāya sīlena ca yodha vaḍḍhati, |
| Paññāya cāgena sutena cūbhayaṃ; |
| So tādiso sappuriso vicakkhaṇo, |
| Diṭṭheva dhamme ubhayena vaḍḍhatī”ti. |
548 Catutthaṃ.