1.1.3 Saṃkhittabalasutta

Paṭhamapaṇṇāsaka

Dhanavagga

Saṃkhittabalasutta

3. 9 Evaṃ me sutaṃ— ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme…pe… sattimāni, bhikkhave, balāni. Katamāni satta? Saddhābalaṃ, vīriyabalaṃ, hirībalaṃ, ottappabalaṃ, satibalaṃ, samādhibalaṃ, paññābalaṃ. Imāni kho, bhikkhave, satta balānīti.

10 Saddhābalaṃ vīriyañca,

hirī ottappiyaṃ balaṃ;

Satibalaṃ samādhi ca,

paññā ve sattamaṃ balaṃ;

Etehi balavā bhikkhu,

sukhaṃ jīvati paṇḍito.

11 Yoniso vicine dhammaṃ,

paññāyatthaṃ vipassati;

Pajjotasseva nibbānaṃ,

vimokkho hoti cetaso”ti.

12 Tatiyaṃ.