tipitaka2500.github.io

1.1.1.6 Bāhirānattasutta

Saḷāyatanasaṃyutta

Paṭhamapaṇṇāsaka

Aniccavagga

Bāhirānattasutta

6. 13 “Rūpā, bhikkhave, anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Saddā…pe…  gandhā…  rasā…  phoṭṭhabbā…  dhammā anattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ…pe…  nāparaṃ itthattāyāti pajānātī”ti.

14 Chaṭṭhaṃ.