tipitaka2500.github.io

1.1.1.2 Ajjhattadukkhasutta

Saḷāyatanasaṃyutta

Paṭhamapaṇṇāsaka

Aniccavagga

Ajjhattadukkhasutta

2. 5 “Cakkhuṃ, bhikkhave, dukkhaṃ. Yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Sotaṃ dukkhaṃ…pe…  ghānaṃ dukkhaṃ…  jivhā dukkhā…  kāyo dukkho…  mano dukkho. Yaṃ dukkhaṃ tadanattā; yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ…pe…  nāparaṃ itthattāyāti pajānātī”ti.

6 Dutiyaṃ.